Prottesta

Se ghe fusse qualcun, che dei stupori
fasse, perché mi ho fatto dei sonetti,
dove drento ghe xé dei potachietti,
e tutti al natural senza colori,

ghe dirave che i varda tutti i autori,
che g'ha scritto de donne e de amoretti,
che i vederà che sotto quei fioretti
ghe stà coverti i più lascivi amori.

Sora tutti el Petrarca a 'bù vittoria,
e pur l'hà parlà sempre d'una dona,
né gnanca el l'ha lassada stare in gloria.

Gran chè! Mi averò biasmo, e lu corona,
lu g'ha scritto un romanzo, e mi un'istoria,
lu ha dito Laura, e mi g'ho dito Mona.